Посни кокосови коцки

 

Овај десерт потекнува од австралискиот регион, а ние ви ја предлагаме да ја пробате хрватската варијанта на подготовка.
Тој е популарен и вкусен десерт, кој е потопен со чоколадна глазура и покриен со кокосови трошки. Слатко задоволство за сечиј вкус.

 

Состојки:

  • 1 чаша шеќер
  • 1 чаша сок од портокал
  • 1/2  чаша масло
  • 2 чаши брашно
  • 1 прашок за печиво
  • малку сол
  • 1 ванила
  • кора од 1 портокал  

За глазура:

  • 50 гр какао 
  • 150 гр маргарин 
  • 100 мл млеко од соја  
  • ½ чаша шеќер 
  • 1 лажица ликер од кафе, кора од портокал или арома по ваш вкус
  • 200 гр кокосови трошки 

 

Подготовка:

  1. Во сад се ставаат брашното, шеќерот, сокот од портокал, маслото, солта, прашокот за печиво, ванилата и кората од портокал.
  2. Се мешаат убаво сите состојки се додека се добие хомогена смеса. 
  3. Во тава се става со хартија за печење, а потоа во неа се става смесата за колачот.
  4. Се пече во загреана рерна на 180 степени за време од 25-30 минути.
  5. Испечениот колач, се вади од рерната и се остава да се излади. Потоа се става во ладилник да стои за време од 12 часа, за да може убаво да се стегне и полесно да се сече во правилни коцки.
  6. Глазурата се припрема така што во сад на оган се ставаат маргаринот, млекото и  шеќерот. Состојките се мешаат за да се растопи маргаринот и шеќерот. Потоа во садот се додава сокот од портокал, какаото и се меша повторно. Садот се трга од оган.   
  7. Коцките од сите 4 страни се потопуваат во глазурата и се наросуваат со кокосови трошки.

 

image

 

image

Извор: Trydiani

 

Автор: Марина Иваноска Ружиновска

Авторски текст, не смее да се користи за комерцијални цели или/и реемитување
Идеална исхрана против реуматоиден артритис

 

Ревматоидниот артритис е хронична прогресивна воспалителна болест која ги зафаќа најчесто носечките зглобови (рацете и нозете). Предизвикува болка, здрвување, отекување и ограничување на движењето и функцијата на зглобовите. Типично болеста се појавува меѓу триесеттата и шеесетта година од животот, а жените почесто заболуваат од мажите.

Повеќе луѓе кои што страдаат од ревматоиден артритис започнуваат со алтернативни третмани, меѓу кои е и промена во начинот на исхрана. Храната која го намалува воспалението може да ви помогне за намалување на болката и подобрување на функцијата на зглобовите. Истражувањата покажуваат дека оптималната исхрана за лицата кои страдаат од оваа болест вклучува изобилство на зеленчук, интегрална храна и растителни влакна. Намалувањето или елиминирањето на внесот на производи од животинско потекло, рафинирани јагленихидрати, заситени масти и тутун ги намалува симптомите од болеста. 

Некои анти-инфламаторни храни се богати со омега 3 масни киселини. Затоа редовно консумирајте риби како што се скуша, харинга, лосос или туна. Доколку рибата не е ваша омилена храна, обидете се да јадете повеќе ореви или бадеми. Покрај тоа можете да додадете ленено семе во житарките за појадок, јогурт или во домашни печива. Чија семето е исто така е богато со омега 3 масни киселини.

 

image

 

Антиоксидансите кои што ги уништуваат слободните радикали, може да ви помогнат за намалување на воспалението. Истражувањата покажале дека исхранат богата со антиоксиданси може да ја намали болката и воспалението на зглобовите при ревматоиден артритис. Значајни антиоксиданси се витамините А, Ц и Е, како и минералот селен. За да ги внесете во вашиот организам се препорачува да јадете повеќе свеж зеленчук и овошје, јаткасти плодови и да пиете зелен чај.

Храната која е богата со растителни влакна може да ја намали количината на С реактивниот протеин (CRP) во крвта. CRP е показател кој укажува на воспаленија во телото. Затоа во вашата исхрана вклучете повеќе зеленчук и овошје, житарици од цело зрно, грав и јаткасти плодови.

Не ги заборавајте флавоноидите! Флавонодите се состојки кои што се наоѓаат во храната од растително потекло. Тие може да го намалат воспалението и болката на зглобовите при ревматоиден артритис. Храна која што е богата со флавоноиди се јагодесто овошје, зелен чај, грозје, брокула и соја. Чоколадото е исто така богато со флавоноиди, а се препорачува да се консумира темно чоколадо, кое што има висок процент на какао и мала количина на шеќер.

Зачинете ги јадењата. Одредени зачини го намалуваат воспалението во телото. Вашите јадења зачинете ги со куркума и ѓумбир кои имаат анти-воспалителни карактеристики. Капсацинот кој се наоѓа во лутите пиперки, може да го намали воспалението. Согласно со Националниот Институт за Здравство, за капсаицинот е познато дека ефикасно ја намалува болката.  

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Пинџур со модри патлиџани и моркови

 

Состојки:

  • 20 кг црвени пиперки
  • 10 кг зелени пиперки
  • 7 кг модар патлиџан
  • 3 кг морков
  • 5 кг црвени домати
  • 2 литри масло
  • 5 лажици сенф
  • 1 филџан шеќер
  • 1 филџан сол
  • 1 главица лук

 

Подготовка:

  1. Пиперките се печат, лупат и се чистат од семки, па се цедат.
  2. Модрите патлиџани се печат во загреана рерна и се лупат, па и тие се ставаат да се цедат.
  3. Морковите се чистат и се варат.
  4. Доматите се лупат, мелат и се ставаат во длабок сад да се варат. Во доматите се додава шеќерот и се варат додека течноста се згусне.
  5. Пиперките, модрите патлиџани и морковите се мелат.
  6. Во поголем сад на оган се ставаат сварените домати и се додаваат мелените пиперки, патлиџани и моркови. Во садот се додава 1 литар масло и смесата се пржи на потивок оган со постојано мешање.
  7. Откако ќе испари течноста, се додава и 1 литар масло и пинџурот се пржи на посилен оган. Пред крај на пржењето се додава сол, сенф и лук по вкус. 

 

 

Автор: Даниела Џогова

Авторски текст, не смее да се користи за комерцијални цели или/и реемитување
Здрава „Кашел“ супа од зеленчук

 

Состојки:

  • 1 тиквичка
  • 1 црн домат
  • 1 поголем или средно голем морков
  • 2 средно големи компири 
  • 1 јајце
  • 1 лажица брашно
  • 3 чешниња лук
  • 2 лажици масло
  • мала лажичка иситнет рузмарин (може сув или свеж)
  • свеж магдонос по вкус
  • вегета и црн пипер по вкус
  • сок од лимон.

 

Подготовка:

  1. Зеленукот (тиквичката, црниот домат, морковот и компирот) најпрво се мие и се лупи.
  2. Потоа тиквичката, црниот домат и морковот, се сечкаат на ситни коцки, а компирите се оставаат цели.
  3. Така припремениот зеленчук се става во сад на оган да се вари, а количината на вода ќе ја одредите сами според тоа колку густа сакате да биде супата (пожелно е да ставите барем 1,5-2 литри вода).
  4. Откако содржината ќе зоврие и зеленчукот ќе се свари, само компирите се отстрануваат од садот на оган, се иситнуваат и се враќаат повторно назад. 
  5. Се додава ситно исечканиот лук, малку рузмарин и масло, па се остава да вари.
  6. Во меѓувреме, во чинија со помош на вилушка се матка јајцето, а потоа во него се додава брашното и малку вегета.
  7. Убаво се меша целата содржина и се додава во садот на оган.
  8. На крај, се додаваат ливчињата магдонос и може да се сервира.

Сервираната супа се зачинува со сок од цеден лимон и има одличен вкус!

 

image

 

image

 

Автор:  М-р Катерина Шамбевска

            Дознајте повеќе за авторот

Авторски текст, не смее да се користи за комерцијални цели или/и реемитување

 

Како правилно да исечете брокула?

 

На ова кратко видео имате можност да погледнете како на лесен начин да добиете убави парчиња брокула. Слично е како што се прави сечењето на карфиол, а во секој случај корисно. 

 

Автор:  М-р Катерина Шамбевска

            Дознајте повеќе за авторот

Авторски текст, не смее да се користи за комерцијални цели или/и реемитување
Палента со месо и колбаси во сос

 

Состојки:
За сосот:
  • 300 гр свинско месо
  • 300 гр свежи колбаси
  • 2 средни главици кромид
  • 1 чешне лук
  • 1 морков
  • 2 листа ловор
  • 2 лажици магдонос
  • 250 мл доматно пире
  • 500 мл вода
  • 1 мало лажиче пипер
  • 50 мл вино
  • сол и бибер по вкус.
За палентата:
  • 1,2 л вода
  • 250 гр палента
  • 3 лажици масло
  • по вкус сол.

 

Подготовка:

  1. Месото и колбасите исечете ги на помали парчина и ставете ги во тава со малку масло.
  2. Пржете ги неколку минути за да добијат црвенкаста боја.
  3. Кромидот, морковот и лукчето исечкајте ги и додајте ги во тавата. Заедно пржете уште неколу минути.
  4. Потоа додајте го виното, водата, ловорот, магдоносот, пиперот, биберот и сол по вкус.
  5. Измешајте и оставете го да вари на среден оган додека течноста испари, но не целосно.
  6. При крај кога останало малку течност додајте го доматното пире измешајте и оставете го да вари уште 15-тина минути за да се згусти сосот.
  7. Кога е готово оставете го покриено на страна и подгответе ја палентата.
  8. Водата со солта и маслото ставете ја да зоврие.
  9. Постепено додавајте ја палентата и со дрвена лажица постојано мешајте додека се згусти.
  10. Турете ја во плехче намачкано со масло и израмнете ја.
  11. Оставете малку да се излади, па исечете ја на квадрати и послужете ја со подготвеното месо.

На здравје!

 

image

 

Автор: Невена Ѓероска

Авторски текст, не смее да се користи за комерцијални цели или/и реемитување
Природен еликсир против настинки и грип

 

Ако ве боли грлото, чувствувате слабост во муслкулите или малаксаност, веќе препознавате дека тоа се симптоми на настинка која за ова време од годината се доста честа појава.

Добрата вест е што сега можете да направите здрав домашен еликсир, кој може да го чувате во вашиот фрижидер и да го користите против настинки и грип.

 

Состојки:

  • 2 лимони, насечени на кругови
  • 8 ќесички чај по желба
  • 3 стапчиња цимет (ако не можете да најдете стапче, може да замените со 1 лажица цимет)
  • парче ѓумбир во должина од 5 см, исечен на кругови
  • 50-100 мл јаболкова киселина
  • 6 шолји вода
  • 1-2 лажици мед
  • по желба прстофат куркума или лажичка кокосово масло.

 

Подготовка:

  1. Ставете ја водата во сад на оган и оставете да зоврие.
  2. Додајте ги круговите лимон, ќесичките чај, циметот и ѓумбирот.
  3. Потоа, покријте го садот со капак и оставете да стои 20-30 минути.
  4. Јаболковата киселина турете ја во поголема тегла, во која ќе го додадете припремениот напиток.
  5. Промешајте.
  6. Круговите лимон и ѓумбирот треба да останат внатре, а ќесичките чај треба да се отстранат.
  7. По желба може да додадете и прстофат куркума или лажичка кокосово масло.

Пред консумација можете да го загреете и да додадете лажичка мед.

Напитокот може да го пиете како превенција штом ги почувствувате симптомите, или за време на настинка и грип.

 

image

Извор: thepaleomama.com

 

Автор:  М-р Катерина Шамбевска

            Дознајте повеќе за авторот

Авторски текст, не смее да се користи за комерцијални цели или/и реемитување
Ориз со брокула

 

Состојки:

  • 200 грама ориз
  • 2 свежи мисиркини колбаси (по желба)
  • 120 грама брокула
  • 1 главица сечкан кромид
  • 1 рендан морков
  • 1 помало сечкано стебленце целер
  • 1 црпалка зеленчукова супа
  • 1 лажица сечкан магдонос
  • 1/4 лажичка куркума
  • По потреба масло, мешан сув зачин, црн пипер

 

Подготовка:

  1. Оризот сварете го и исцедете го убаво од водата.
  2. Во тава на оган ставете масло и додајте ги сечканиот кромид, сечканиот целер, ренданиот морков и цветовите брокула. Откако состојките ќе се запржат додајте ги колбасите исчкани на мали парчиња. Пропржете ги колбасите, па додајте ја супата и оставете на тивко да прокрчка.
  3. Откако супата ке изврие додајте го сварениот ориз, сечканиот магдонос и куркумата. Зачинете со мешан сув зачин и црн пипер, измешајте и послужете со свежа салата.

 

image

 

Автор: Катерина Милошоска Глигороска

Авторски текст, не смее да се користи за комерцијални цели или/и реемитување
Храна која ги брише брчките и ве подмладува

 

Гените играат важна улога во процесот на стареење, но подеднакво важен фактор е храната која се внесува во телото. Ние не можеме да се бориме против овој природен процес на стареење, но можеме да го одложиме со исхрана која е богата со антиоксиданси. При тоа важно е да се избегнува храна која е масна и содржи високо ниво на јагленихидрати, додека пак овошјето, зеленчукот, житарките, гравот, се ваши сојузници во борбата против стареењето.
Листата на храна која е богата со антиоксиданси, а со тоа го спречува и оспорува процесот на стареење е следната:

 

1. Маслиново масло
Маслиново масло може да се најде во поголемите маркети во продажба и е достапно за секого. Содржи мононезаситени масти и полифеноли, кои се добри за регенерација на клетките. Најдобро е да се користи како прелив за салати или при печење на месо.

 

2. Јогурт
Калциумот е од суштинско значење за јакнеење на коските, а во јогуртот се наоѓа голема количина од овој минерал. Содржи пробиотици и помага при варењето на храната, со што го забрзува метаболизмот. Брзиот метаболизам е природно поврзан со процесот на стареење.

 

3. Избегнувајте црвено месо
Во последно време, нутриционистите препорачуваат да се избегнува црвеното месо во исхраната. А за да ги задоволите потребните количини на протеини во организмот ние ви предлагаме да јадете риба. Сите видови на риби се богати со омега-3 масни киселини, кои се погодни за здравјето на срцето.

 

4. Ореви 
Ореви се одличен извор на минерали и мононезаситени масти кои му се потребни на нашиот организам. Бидејќи оревите се многу калорични, се препорачува дневно да се консумираат 14 јатки.

 

5. Црвено вино 
Тоа е здраво само ако се консумира во умерени количини. Ги штити крвните садови и го спречува канцерогени и кардиоваскуларни болести.

 

6. Темно чоколадо
Темното чоколадо е богато со антиоксиданси познати како флавоноиди, кои се значајни за одржување на здрави и силни крвни садови.

 

image

 

7. Бобинки
Сите видови на бобинки се добри за вас и вашето тело. Овие плодови се моќни извори на витамини и минерали, а постојат многу начини како да се комбинираат во исхраната. Јадете по неколку бобинки за појадок или комбинирајте ги во овошни салати за ужина.

 

8. Калинка
Калинката содржи полифеноли, кои и даваат добар изглед на вашата кожа.

 

9. Спанаќ
Тој е добар за целокупното здравје, бидејќи содржи широк спектар на витамини и минерали. Богат е со бета-каротен и помага во одржување на видот.

 

10. Кељ
Не прескокнувајте го овај зеленчук туку вметне во вашата  секојдневна исхрана. Тој е богат со состојки кои влијаат на виталноста и оспорувањето на процесот на стареење.

 

11. Зелен чај
Познатиот зелен чај изобилува со антиоксиданси и ги неутрализира слободните радикали во организмот кои влијаат на стареењето на клетките. Исто така заштитува од штетните УВ зраци, кои пак се главен виновник за предвремено појавување на брчки.

 

12. Лубеница
Ова слатко и вкусно овошје е богато со витамин Ц и лутеин, антиоксиданси кои имаат двојна функција против стареењето.

 

Автор: Марина Иваноска Ружиновска

Авторски текст, не смее да се користи за комерцијални цели или/и реемитување
Освежителен тоник од лимон и ѓумбир

 

Комбинацијата на лимон и ѓумбир не може да не биде здрава, па затоа ви препорачуваме да го пробате овој освежителен тоник, кој освен што влијае поволно врз општата состојба на организмот, туку и многу придонесува за лекување на болно грло.

Лимонот е богат со витамин Ц и антибактериски својства, а заедно со ѓумбирот создаваат совршена комбинација за борба против температура, настинка и болка во грлото. А, кога на тоа додавате и мед, тогаш веќе добивате вистински природен еликсир.

 

Состојки:

  • ½ шолја свежо цеден лимонов сок
  • 3 шолји млака вода
  • ¼ шолја органски мед
  • 1 лажичка свеж изрендан ѓумбир.

 

Подготовка:

  1. Измешајте го медот со млаката вода, па додајте ги останатите состојки.
  2. Смесата ставете ја во блендер и измиксајте ја, додека медот не се раствори потполно.

 

Освежителниот и вкусен тоник е готов, а може да го пиете како превентива за подобро здравје или напиток кој ќе ја подобри вашата енергија во текот на денот. На здравје!

 

image 

Автор:  М-р Катерина Шамбевска

            Дознајте повеќе за авторот

Авторски текст, не смее да се користи за комерцијални цели или/и реемитување