Dr. Pepper cocktail - амарето, рум и пиво коктел

 

Состојки:

За 1 чаша од 100мл

  • 30 мл рум
  • 30 мл амарето
  • 40 мл пиво
  • 2 коцки мраз
  • 1 парче лимон за декорација.

 

Подготовка:

  1. Во чашата ставете ги коцките мраз, румот, амаретото и потоа дополнете со пиво.
  2. Убаво измешајте.
  3. Ставете едно парче лимон за декорација и послужете го коктелот.

 


На здравје!

image

 

Автор: Невена Ѓероска

Авторски текст, не смее да се користи за комерцијални цели или/и реемитување
Солени сусам бомбици

 

Состојки:

  • 250 гр солени бисквити
  • 100 гр маргарин
  • 100 гр ситно мелена шунка
  • 150 гр павлака
  • 100 гр потпечен сусам
  • 1 лажица мајонез

 

Подготовка:

  1. Маргаринот се мати со павлаката и мајонезот. Кон изматената смеса се додаваат мелените бисквити, шунката и половина од подпечениот сусам. Сместа се меша убаво. 
  2. Се прават форми по желба и се посипуваат со сусам. Одлични за мезе и ордевери.

 

 image

 

image

 

image

 

 Автор: Даниела Џогова

Авторски текст, не смее да се користи за комерцијални цели или/и реемитување
Непечена торта со бисквити и пудинг

 

Состојки:

  • 500 гр. бисквити
  • 1 литар млеко
  • 6 лажици шеќер
  • 1 пудинг од ванила
  • 1 пудинг од чоколадо
  • 100 гр. чоколадо за готвење
  • 100 гр. бело млечно чоколадо
  • 250 гр. путер

 

Подготовка:

  1. Во тенџере на оган ставете 800 мл млеко да се вари.
  2. Во длабока чинија ставете го пудингот од ванила и додадете 3 лажици шеќер. Измешајте ја сместа и дадете 100 мл млеко.
  3. Во друга чинија ставете го пудингот од чоколадо и додадете 3 лажици шеќер. Измешајте ја сместа и дадете 100 мл млеко.
  4. Свареното млеко поделете го на два дела. Во едниот дел ставете го пудингот од ванила и мешајте на оган додека пудингот се згусни. Во другиот дел ставате го пудингот од чоколадо и мешајте на оган додека пудингот се згусни. Во чоколадниот пудинг, додека е уште на оган ставете го темното чоколадо да се растопи.
  5. Оставете ги пудинзите да се оладат.
  6. Во оладениот чоколаден пудинг се додава половина претходно изматен путер и пак мати за да се соединат состојките.
  7. Во пудингот од ванила се додава другата половина од претходно изматениот путер и ренданото бело чоколадо. Се мати со миксер за да се соединат состојките.
  8. Бисквитите кратко потопете ги во млеко и наредете ги на подлога за торта. Врз нив ставете од чоколадниот фил, над него повторно наредете бисквити и нанесете од филот од ванила. Повторете ја постапката додека се потрошат бисквитите и филовите. 

 

 image

 

 

Автор: Катерина Милошоска Глигороска

Авторски текст, не смее да се користи за комерцијални цели или/и реемитување
Како да направите интегрални пица лепчиња за 3 минути?

 

Состојки:

  • 2 парчиња интегрален леб
  • Кечап
  • Оригано
  • 5-6 сечкани маслинки
  • Маринирани сечкани печурки
  • 2 парчиња кашкавал

 

Подготовка:

  1. Врз парчињата леб нанесете кечап. Потоа наросете оригано и ставете ги маслинките и печурките.  Над нив ставете го кашкавалот.
  2. Лепчињата ставете ги во сад за микробранова печка. Оставете да се растопи кашкавалот за време од 2 минути на висока фреквенција. Во замена на микробранова печка, може да ги печете во загреена рерна на 220 степени за време од 5-7 минути.

 

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Чај и лековито масло од Иванско цвеќе за добро здравје

 

Иванското цвеќе (Galium verum) со векови се користело за правење на ливадски венчиња, а традиционално е познато како растение кое лечи бројни заболувања на внатрешните органи и кожата.

Расте високо до 1 метар, а се наоѓа на суви ридести ливади и пасишта покрај пат во шумите. Има препознатлива златно жолта боја на цветовите кои се групирани во гранчиња и мирисаат на мед, а ливчињата се ситни и во вид на иглички. Цвета од јули до септември.

Лековитите својства и се припишуваат на горниот дел од тревката и тоа за време на цветањето, а за да се зачува за зимските денови се суши на ладно и проветрено место, по што се пакува во тегли и се чува на ладно и темно место.

Иванското цвеќе содржи витамин Ц, етерично масло, органски киселини, минерали, восок, танини и флавоноиди, а во народната медицина се користи за:

  • за зајакнување и чистење на црниот дроб
  • за подобра работа на желудникот
  • за добро здравје на кожата
  • за смирување 
  • против хронични бубрежни заболувања
  • против анемија
  • за подобар имунитет
  • за регулирање на метаболизмот
  • за спречување на обилни менструални крварења и хемороиди.

Од ова растение може да си направите лековито масло, така што измиено и исушено ќе го покриете со масло во стаклен сад (тегла), ќе го затворите и ќе го оставите на сонце 40 дена, а потоа чувајте го на суво и темно место.

 

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување

Домашен сладолед од праски

 

Состојки:

  • 300 грама праски
  • 75 грама шеќер
  • 20 грама бадеми
  • 250 милилитри слатка павлака.

 

Подготовка: 

  1. Праските најпрво излупете ги, па исечете ги на мали коцки.
  2. Ставете ги во тенџере заедно со малку вода, а потоа ставете ги на оган со средна температура и загревајте се додека праските не омекнат.
  3. Потоа процедете ги од водата и испасирајте ги.
  4. Додека праските се сеуште жешки посипете ги со шеќер и убаво промешајте со лажица.
  5. Додадете ги и ситно исечканите бадеми, повторно убаво промешајте и оставете ги добро да се изладат.
  6. Во сад со средна големина изматете ја павлаката, додека не постане густа.
  7. Соединете ги двете смеси (смесата со праските и павлаката) и изматете ги двете заедно убаво со миксер. При матењето на праските со павлаката, мешајте убаво се додека смесата убаво не се зацврсти.
  8. Така изматена смесата ставете ја во пластичен сад и оставете ја да стои во фрижидер додека убаво не замрзне.

На здравје!

 

image

 

Автор: Дипл. инж. Виктор Ќушкоски

Авторски текст, не смее да се користи за комерцијални цели или/и реемитување
Тимот на Сѐ за храна со креативна кулинарска изложба на Битфест 2014

 

Здружението за едукација и кулинарство Сѐ за храна Битола, во рамките на Битфест 2014, организира изложба на храна „Светски кулинарски креации во конзулска Битола“, која ќе се одржи на плоштадот Магнолија, на ден 10-ти Јули, 2014 година со почеток во 19 часот.

Здружението и онлајн медиумот Сѐ за храна кој успешно функционира повеќе од две години, организираат и учествуваат на различни случувања и настани од промотивен и хуманитарен карактер, настани со креативни и едукативни поводи, различни работилници, обуки, семинари и слично.

Во таа насока, оваа креативна изложба е една од многубројните активности на Здружението, која на присутните посетители ќе им овозможи единствена можност да погледнат голем број на светски кулинарски креации и декорации, изведени од тимот на Сѐ за храна, кои по завршувањето на изложбата ќе бидат отворени за дегустација од присутните посетители.

Ова е второ учество и претставување на Сѐ за храна како дел од Битфест, а повеќе информации и фотографии од минатогодинашниот настан можете да погледнете доколку кликнете тука.

 

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитувањe
3 пијалаци за помал стомак

 

Познато е дека газираните  и алкохолните пијалоци ни најмалку не се добри за нашиот струк. Меѓутоа постојат безалкохолни пијалоци кои ефикасно помагаaт при топењето на масните наслаги. Се прашувате кои се тие?

 

Ароматизирана вода

Кога се обидувате да се ослободите од вишокот на килограми многу е важно вашиот организам да биди хидриран. Консумирањето на поголеми количини вода му помага на телото да го одржи балансот на течности и да го сопри задржувањето на течности во организмот (што е една од најголемите причини за појава на ‘’подуен стомак’’), помага да се чувствувате сити, а ако не ви се допаѓа идејата постојано да консумирате обична вода, додадете во неа некое зачинско растение (нане или босилек), цитрусно овошје - лимон, портокал, грејпфут, лимета и други ниско калорични, природни засилувачи на вкусот, како штом е на пример тенко исечена краставица.

 

Ладен чај од нане

Тој е одлично освежување во текот на жешките летни денови, но истовремено е и супер ефикасен пијалак кој помага да имате рамен стомак. Нането му помага на вашиот желудник побрзо и поефикасно да ја вари масната храна и спречува надуеност.

 

Зелен  чај

Покрај намалувањетио на ризикот од  рак и срцеви заболувања, зелениот чај е корисен за целиот  организам и содржи антиоксиданси за кои истражувањата покажуваат дека помагаат во  намалувањето на масните наслаги околу стомакот. Ако пиете зелен чај пред вежбање, добро е да знаете дека антиоксидансите го зголемуваат согорувањето на мастите за време на аеробните вежби како што е возење на велосипед, лента за трчање итн.

 

 

Автор: Марина Стефановска

Авторски текст, не смее да се користи за комерцијални цели или/и реемитување

 

Направете сами - Совршен цвет од тиквичка

 

Интересен начин да ги испробате своите вештини и да ја подобрите креативноста во кујната и сервирањето на храната. Пробајте и ќе успеете да направите декорација и вие!

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Домашен џем од рибизли - антисептик

 

Рибизлата е најлековита кога се јаде свежа и кога од неа се прават одредени производи како што е овој џем. Во таа насока, народната медицина препорачува џемот од рибизли како добар антисептик и лек кој ублажува болки при опекотини и спречува раст на пликови.

 

Состојки:

  • 350 грама рибизли
  • 600 мл вода
  • 350 грама шеќер.

 

Подготовка:

Се припрема на едноставен начин, така што 350 грама рибизли се варат 8-10 минути, а потоа содржината се процедува. Истовремено во друг сад на оган, во 600 мл вода, 10-тина минути се вари 350 грама шеќер, така што постојано треба да се отстранува пената која се појавува. Кога овој процес ќе се заврши, се мешаат рибизлите и шеќерот и на тивок оган се вари уште половина час.

 

 

image

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување