Лебна маска против бори околу очите

 

Сигурно никогаш не сте помислиле дека лебот може да биде една од состојките кои можат да помогнат против брчките околу очи. Народните лекови и рецепти знаат да бидат исклучително корисни, а состојките се природни и едноставни. Еве како се прави и што ви е потребно. 

 

Состојки:

  • помало парче бел леб
  • малку путер (за замена може и масло).

 

Подготовка:

  1. Парчето леб натопете го во растопениот путер или благо загреаното масло.
  2. Нанесете ја така припремената содржина под очите и оставете да делува 20-25 минути.
  3. Внимателно отстранете ја маската со хартиена крпа и не го мијте лицето веднаш.

 

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Печени стапчиња од сирење

 

Печените стапчиња од сирење се поздрава варијанта во споредба со пржените стапчиња. Се служат додека се топли во комбинација со доматен сос. 

 

 

Состојки:

  • 12 стапчиња Моцарела сирење (Може да користите кашкавал или друго сирење по ваша желба)
  • 1 јајце
  • 2 лажици брашно
  • 10 лажици презла
  • 2 мали лажички пармезан сирење
  • 1 лажица сушен магдонос
  • Маслиново масло

 

Подготовка:

  1. Парчињата сирење пресечете ги на половина, така да добиете 24 парчиња моцарела. Сирењето ставете го во замрзнувач и оставете го се додека се замрзне.
  2. Во мал сад изматете го јајцето. Во друг сад ставете го брашното. А во подлабок сад ставете ги: лебните трошки, пармезанот и сушениот магдонос.
  3. Замрзнатите моцарела стапчињата, ставете ги во брашното, потопете ги во садот со изматеното јајце и на крајот промешајте ги во садот со лебните трошки, пармезанот и сушениот магоднос.
  4. Постапката повторете ја со сите парчиња сирење. Парчињата повторно ставете ги во замрзнувач, за да се замрзнат. Оваа постапка е важна, а во спротивно сирењето ќе се растопи за време на печењето, а лебните трошки нема да добијат убава румена боја.
  5. Кога ќе стапчињата моцарела ќе бидат готови за печење, загрејте ја рерната на 200ºC.
  6. Ставете ги стапчињата во плех обложен со алуминиумска фолија, а врз неа попрскајте малку масло.
  7. На врвовите од моцарела стапчињата нанесете малку масло и печете ги во долната третина од вашиот шпорет се додека не станат крцкави, за време од 4-5 минути. Потоа превртете ги од другата страна и печете уште 4-5 минути, но внимавајнте да не ви се растопи сирењето.

 

 

 

 

 

 

 

Извор:Skinny Taste

 

Автор: Дипл. инж. Виктор Ќушкоски

Авторски текст, не смее да се користи за комерцијални цели или/и реемитување
Како да направите масло од невен?

 

Маслото од невен ја регенерира и негува оштетената и сувата кожа на лицето и телото. Особено се препорачува за нега на кожата, после долготрајно изложување на сонце. Невенот има антисептично дејство (содржи висока содржина на јод) и може да се употребува како помошно природно средство при инфекции на кожата. Исто така, невенот ја подобрува циркулацијата кај лица со декубитус (хронична рана која се јавува при долготрајно лежење). Еве како може да направите масло од невен:

 

Состојки:

  • Суви цветови од невен
  • Ладно цедено масло

 

Подготовка:

  1. Цветовите од невен ставете ги во стаклен сад. Во садот додадете масло.
  2. Садот чувајте го 3 до 4 недели на сонце, а повремено промешајте ја смесата.
  3. Потоа маслото процедете го низ платнена цедилка и чувајте го на темно и ладно место. По желба на крајот може да додадете една капсула витамин Е, која го враќа здравиот изглед на кожата. 

 

image

 

image

 

Дознајте повеќе за:

Лековитите својства на невенот

Како да направите маст од невен?

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
5 природни антибиотици кои го чуваат вашето здравје

 

Поради зачестениот број на случаи во последно време, а исто така како одговор на многуте прашања на нашите читатели, направивме листа од најефикасните природни антибиотици за борба против инфекциите кои ни се закануваат секојдневно.

За разлика од класичните лекови, природните антибиотици не се штетни за здравјето, не ја уништуваат цревната флора и не предизвикуваат создавање на резистентни бактерии. Затоа, кога е возможно, најпрво посегнете по природните лекови, а класичните антибиотици употребувајте ги само во случај на крајна потреба. Ви претставуваме неколку од најкорисните подароци од природата со антибиотички својства.

 

1. Лук

Различните народи од целиот свет со векови применуваат лук за медицински цели. Надарен со антибактериски, антивирусни и антифунгални својства, лукот е достапно средство на сите за спречување и лекување на болести. Активната состојка во лукот, алицин, е најодговорен за уништување на штетните бактерии. Лукот е богат со природни антиоксиданси кои ги уништуваат слободните радикали. Додадете го суров како зачин во зготвената храна, а ако ви годи лута храна, слободно можете да го јадете само него. Лукот може и да се зготви, но со оваа постапка се намалуваат неговите лековити својства.

 

 image

 

2. Манука мед

Доколку почнеме да ги подредуваме највкусните и најефикасни природни антибиотици, Манука медот најверојатно би го зазел врвот. Истражувањата покажуваат дека повеќето видови на мед имаат антибактериски својства, но Манука медот е особено моќен благодарение на природната состојка наречена метилглиоксал. Таа делува на широк спектар на бактерии, дури и на оние кои се отпорни на антибиотици. Неговата локална апликација делува на голем број на патогени бактерии, меѓу кои Staphylococcus aureus. Може да се применува и орално (преку устата), за лечење на широк спектар на бактериски инфекции и зајакнување на имунитетот.

 

3. Прополис

Корисните ефекти на прополисот се познати од времето на Хипократ, кој го користел за лекување на рани и чиреви. Прополисот содржи најмалку 19 активни супстанции, сите познати витамини и 13 од 14-те минерали кои му се потребни на телото. Неговите антибиотски, антивирусни и антиинфламаторни (антивоспалителни) својства можат да помогнат во борбата со респираторните инфекции, за зајакнуање на имунитетот, а исто така се користи и во стоматологијата, при воспалителни процеси на меките ткива во усната шуплина.

 

4. Ехинацеа

Со векови се користи во третманот на широк спектар на инфекции. Денес најчесто се употребува при инфекции на респираторниот систем. Постојат податоци дека таа е ефективна против исклучително моќни бактерии како Staphylococcus aureus. Ехинацеата помага и во зајакнувањето на одбранбените сили на организмот и го прави поефикасен во борбата против бактерии и вируси. Може да се користи како тинктура или чај. Ги смирува респираторниот, дигестивниот и уринарниот систем, а исто така и ги прочистува од бактерии, смирува воспаленија на кожата, ја прочистува лимфата и го зајакнува имунитетот. Само неколку капки од нејзината тинктура може да ја запрат болката во грлото уште во самиот почеток на воспалението.

 

image

 

5. Масло од диво оригано

Маслото од диво оригано е ефикасно против повеќето бактерии кои предизвикуваат инфекции на дебелото црево, инфекции на уринарниот систем, тифусна треска, колера, чиреви и инфекции на кожата. Освен што ги уништува патогените бактерии, маслото од оригано има силно антивирусно дејство и ефикасно заштитува од грип, настинки, заушки и сипаници. Исто така е корисно за спречување на инфекција, намалување на воспалението и болката од прободи рани и каснувања од животни. Има моќ да ги неутрализира отровните каснувања од пчела, змија и пајак.

 

Автор: Д-р Маја Ристанчевска

Авторски текст, не смее да се користи за комерцијални цели или/и реемитување

Како да направите овошен сладолед

 

Овошниот сладолед лесно се подготвува, а во споредба со купечките сладоледи е многу здрав. Важно е тоа дека се прави од природни состојки и не содржи адитиви. Изберете си овошје по желба и направете сладолед. 

 

Состојки:

  • киви
  • јаготки
  • боровинки
  • праски
  • сок од грозје (може да користите сок по желба)

 

Подготовка:

  1. Кивите и праските излупете ги. Во калап за сладолед, ставете од овошјето, а потоа додадете сок по желба. 
  2. Калапите ставете ги во зарзнувач. 

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Кавијар третман за ревитализација и подмладување на лице

 

Кавијар пакет третманот за лице се состои од ултразвучно и механичко чистење на лицето и деколтето. Делува регенеративно, хидратантно и ја подмладува кожата. Екстрактот на икрата содржи фосфолипиди и фосфопротеини кои ја обновуваат кожата. Богат е со витамини, минерали, аминокиселини и многу други состојки кои благотворно делуваат на кожата и постигнуваат максимална ревитализација.

Овој третман делува антиоксидативно и антистресно, ја подобрува влажноста на кожата и нејзиниот тонус, а тенот станува свеж и блескав. Покрај тоа што подмладува, овој луксузен третман е право уживање за секоја жена. Не пропуштајте, го заслужувате тоа!

Се наоѓаме на ул. Охридска 67б Битола, неколку чекори над ОУ Трифун Пановски - Битола, а нашите телефони се: 078 40 96 26 и 075 96 86 80. 

 

 image

 

Авторски текст, не смее да се користи за комерцијални цели или/и реемитување
Хранлива маска од моркови која штити од сончевите зраци

 

Морковот е познат по високата количина на корисни материи, како што се витамин Ц, фолна киселина и калиум. Сокот од моркови, пак, ја хидрира и тонира кожата, а што е многу интересно помага во заштита на лицето од штетното дејство кое го предизвикуваат сончевите зраци.

 

Состојки:

  • два до три поголеми моркови
  • 95 грама мед.

 

Постапка:

  1. Морковите исчистете ги и измијте ги, а потоа изрендајте ги. 
  2. Измешајте ги со медот, за да се соединат.
  3. Нанесете ја смесата на лицето и оставете да отстои 10 минути, а потоа измијте го лицето со ладна вода.

 

image

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Сорбет од јаготки

 

Ако постои некое овошје со неодолив изглед, пријатен мирис и вкус, кое е исто така исклучително здраво, па дури и лековито, тоа несомнено претставуваат јагодите. Најдобри се свежите јаготки, а додека ги имаме во изобилство може да ги замрзнеме и преку годината да подготвуваме сорбет од јаготки.

 

Состојки:

  • 6 чаши замрзнати јагоди
  • ½ чаша шеќер
  • ½ чаша вода
  • 1 лажица ликер од вишни

 

Подготовка:

  1. Во блендер ставете ги водата, шеќерот, ликерот од вишни и јаготките.
  2. Со голема брзина измешајте ја смесата за да добиете пенлив крем.
  3. Важно е времето на миксање да биде пократко, за да се добие убав крем, ако процесот трае подолго, може јаготките да се одмрзнат.
  4. Сорбетот чувајте го во замрзнувач, а пред служење извадете го 15 минути. 

 

image

Извор: Cooking-Spree

 

Автор: Дипл. инж. Виктор Ќушкоски

Авторски текст, не смее да се користи за комерцијални цели или/и реемитување
Помфрит од тиквички

 

Состојки:

  • 1 поголема тиквичка
  • 2 јајца
  • 1 шолја презла
  • 1/2 шолја брашно
  • 1/3 шолја пармезан
  • сол, црн пипер, оригано, масло за пржење

Сос

  • 1/2 краставица
  • 1 кисела павлака
  • 1-2 лажици масло, сол и лук во прав по вкус

 

Подготовка:

  1. Тиквичката пресечете ја на половина и потоа од секоја половина сечете долгунести парчиња како за помфрит. Посолете ги и оставете ги да се цедат 30 мин.
  2. Брашното измешајте го со пармезанот и додадете малку мелен црн пипер. Јајцата разматете ги со вилушка и малку посолете ги. Во презлата вмешајте малку оригано и сол.
  3. Секое парче најпрво извалкајте го во брашното, па во јајцата и на крај во презлата.
    На умерена температура заграјте го маслото за пржење и пржете ги тиквичките - помфрит од двете страни. Кога се готови, пржените тиквички ставете ги врз хартиена салвета да се впие вишокот мрснотија.
  4. Помфритот од тиквички послужете го топол заедно со сосот како додаток. Краставицата изрендајте ја и додадете ги останатите состојки. По желба можите да додадете и некоја капка вински оцет за да го потенцира вкусот на сосот.

 

 

 

 Автор: Клара Бос

Авторски текст, не смее да се користи за комерцијални цели или/и реемитување
Јогурт - идеална намирница за сите возрасти

 

Скоро и да нема човек кој не знае колку здрава намирница е јогуртот. Но, дали сте знаеле дека овој божествен напиток има бројни здравствени предности кои го заштитуваат вашиот организам од повеќе заболувања?

Јогуртот е богат извор на калциум, фосфор и витамин Д. Поради тоа помага во спречување на остеопороза, а лицата кои веќе имаат остеопороза, се препорачува да консумираат јогурт секојдневно.

Јогуртот содржи бактериски култури кои се погодни за здравјето на дебелото црево, а освен тоа, неговото редовно консумирање, помага во спречување на рак на дебелото црево. Исто така, присуството на корисни бактерии во јогуртот, му помага на дигестивниот систем да се ослободи од токсичните микроорганизми и на тој начин го подобрува варењето на храната. Исклучително корисно дејство се забележува кај лицата кои патат од опстипација (запек), проблеми со варењето на храната и цревни инфекции.

Јогуртот придонесува кон растот и развојот на белите крвни клетки (леукоцити) кои се борат против инфекции. Затоа, луѓето кои редовно консумираат јогурт имаат подобар имунитет и подобра одбрана на организмот од вообичаените настинки, преладувања, синдром на иритабилен колон итн.

Јогуртот има способност да го снижи нивото на лошиот холестерол, бидејќи активните култури во неговиот состав можат да го апсорбираат и да го одржуваат на здраво ниво. Тоа значи дека јогуртот е благодет за лицата кои патат од срцеви заболувања.

Недостатокот на калциум и витамин Д, може да биде причина за покачен крвен притисок. Јогуртот, како богат извор на истите, се препорачува за одржување на крвниот притисок под контрола.

Ако сте ги испробале сите можни начини да се ослободите од непотребните наталожени килограми, треба почесто да консумирате јогурт, бидејќи го намалува гладот и дава чувство на ситост.

Составот на јогуртот е одличен и корисен против разни видови на инфекции, како што се вагинални, габични и цревни инфекции. Накратко, јогуртот е идеална намирница за сите возрасти.

 

image

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување