Туна бурито на мексикански начин

 

Состојки:

  • 2 поголеми тортилји 
  • 2 лажички гуакамоле
  • 1 чаша ситно исечкана салатка/марула/зелка
  • 1/2 чаша варен ориз
  • малку салса
  • 1 мал домат
  • 1 конзерва туна.

 

Подготовка:

  1. Во тава на оган ставете ги тортилјите да се потпечат од двете страни по малку (по 1 минута на двете страни).
  2. Отстранете ги од огнот и штом кратко се оладат премачкајте ја секоја тортилја со една лажичка гуакамоле.
  3. Салатката и доматот, ситно исечкајте ги. 
  4. Поделете ја содржина на состојките (салатка, ориз, салса, домат, туна) на два дела и половина од секоја состојка ставете во двете тортилји, така што ќе ги оставите краевите „попразни“, за потоа да може да ја превиткате тортилјата.

Вкусот е одличен. На здравје!

 

image

Извор: walmartlivebetter.ca

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Брза пита со спанаќ и сирење

 

Состојки:
  • 1 шолја чист и исцеден спанаќ (околу 300 гр спанаќ)
  • 5 јајца
  • 1/4 шолја неутрална павлака
  • 1 мала главица кромид (или 2 млади кромидчиња)
  • 1 шолја рендано сирење или кашкавал
  • 1/2 шолја иситнето фета сирење
  • неколку гранчиња копар
  • неколку гранчиња нане.

 

Подготовка:
  1. Измиениот и исечкан спанаќ, оставете го кратко да стои и потоа со рака притискајте го спанаќот и исцедете ја течноста.
  2. Измешајте го спанаќот со ситно сечканиот кромид, иситнетото сирење или кашкавал, фета сирењето, копарот и нането.
  3. Во поголем сад изматете ги јајцата со неутралната павлака.
  4. Додадете ги во садот со спанаќот, измешајте и смесата турете ја во тава од бр. 24. 
  5. Измазнете ја површината од горе и печете во претходно загреаната рерна на 180 степени, околу 40-45 минути, додека средишниот дел е печен и при боцкање со чепкалка или нож не остава налепена трага од смесата.

Се служи топло или на собна температура. На здравје!

 

image

Извор: walmartlivebetter.ca

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Најкреативните светски пакувања за сокови

 

Разгледајте ја галеријата од најдобрите светски креативни пакувања за сокови. 

 

 

 

 

 

 

 

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Дали е винобранот штетен за употреба?

 

Винобранот често наоѓа примена во есенскиот период при подготвување на зимница. Овој бел кристален прашок хемиски е познат како калиум метилбисуфлит K2S2O5. Неговата примена е главно како антиоксиданс или хемиски стерилизатор. Се користи како адитив во производство на храна, чија ознака е Е224. Употребата на винобранот е ограничена затоа што може да предизвика алергиски реакции кај осетливи лица.

Најчесто се употребува при производство на вино, затоа што ги превенира развојот на непосакуваните микроорганизми и делува како антиоксиданс така што ја штити бојата и деликатниот вкус на виното. Сепак неговата употреба е строго контролирана и се додава ¼ лажица винобран на 23 литри вино за време на ферментацијата, а потоа дозволено е да се додаде уште ½ лажица на 23 литри вино, за време на полнењето на шишињата.

Винобранот понекогаш се користи и при производство на пиво за да се стопира растот на непожелните квасци, бактерии и габи. Примена наоѓа и за неутрализација на хлорамините кои се наоѓаат во водата, кои може да предизвикаат непријатен вкус на пивото.

Во останатите производи, винобранот понекогаш се додава во улога на конзерванс кај лимонов сок, замрзнато овошје и при преработка на кисели краставички. Добро е да се знае дека при производството на храна може да ја намали количината на витамините во истата.

 

 image

 

Дали винобранот е безбеден по здравјето?

Винобранот предизвикува иритација на кожата, сериозна иритација на очите и може да предизвика иритација на респираторниот систем. Така да, секогаш кога се употребува винобран мора да се носи заштитна облека, нараквици, маска и очила. Треба да се користи во алкални услови, затоа што при реакција со киселини, ослободува токсични гасови. Во водичот за храна на Велика Британија, наведено е дека винобранот може да предизвика астма, цијаноза и несвестица. Не се препорачува децата да консумираат производи со винобран.  

Одлуката дали и понатаму ќе користите винобран за вашата зимница, ја оставаме на вас.

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Лековит рецепт за проширени вени

 

Состојки:

  • 1 литар квалитетна комова ракија
  • 50 гр сушен кантарион
  • 50 гр сушени листови од коприва
  • малку Иванова трева.

 

Подготовка:

  1. Во поголема тегла ставете ги сите состојки и наполнете ја до горе со комова ракија.
  2. Кога ќе го направите тоа, добро затворете ја теглата и оставете ја да стои еден месец на темно место.
  3. Откако ќе измине тој период, отворете ја теглата и процедете низ газа. Тревките впиваат доволно течност, па мора добро да ги процедите низ газата, бидејќи тие се најлековити.
  4. Така исцедената течност соберете ја во стаклено шише и чувајте го на ладно и темно место.

 

Употреба

  • Важно е лековитата течност да се пие пред јадење. 
  • Течноста се пие еднаш дневно, пред јадење по една супена лажица, а може да пиете и три пати дневно, исто пред јадење, но по една мала лажичка.

Овие капки се рецепт од алтернативната медицина и ќе ви помогнат да ги решите вашите проблеми со вените.  Споделете го со вашите пријатели, бидејќи сигурно ќе ви бидат многу благодарни.

 

image

Извор: devetmeseci.net

 

Автор: Марина Стефановска

Авторски текст, не смее да се користи за комерцијални цели или/и реемитување
Шпанска салата со јајца

 

Состојки:

  • 5 јајца
  • 1 пиперка
  • 2 лажички мајонез
  • еден грст полнети маслинки
  • 1/2 лажичка сол
  • мелен црн пипер.

 

Подготовка:

  1. Јајцата тврдо сварете ги, излупете ги и ставете ги во средно голем сад. 
  2. Додајте ја ситно сечканата пиперка, мајонезот, исечканите маслинки и солта.
  3. Измешајте и на крај зачинете со црн пипер.
  4. Сервирајте ја врз парче леб (најдобро е да биде интегрален).

По желба декорирајте со ситно сечкан целер.

 

image

Извор: www.walmartlivebetter.ca

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Суви (сушени) домати во рерна

 

Состојки:

  • 1 кг зрели домати
  • 3 чешниња лук
  • 3 гранчиња мајчина душица
  • 2 гранчиња оригано
  • 2 гранчиња рузмарин
  • Крупна морска сол
  • Шарена пипер (црн, бел пипер)
  • 20 – 30 мл масло.

За маринада:

  • Ладно цедено масло
  • 3 цели лукчиња
  • Свеж босилек.

 

Подготовка:

  1. Се избираат домати со еднаква големина. Истите се мијат и се сечкаат на половина по должина.
  2. Се редат во тава, обложена со хартија за печење и се попрскуваат со масло, сол и пипер, па се наросуваат со зачините.  
  3. Доматите се ставаат во загреана рерна на 100 степени за да се сушат. Времето на сушење е во зависност од големината на доматите и количеството на вода во нив. Во нашиот случај потребното време беше 10 часа.
  4. Кога ќе се исушат се оставаат да се изладат и се маринираат. 
  5. Исушените домати се ставаат во тегли, а помеѓу нив се става од лукот и босилекот.
  6. Во теглата се става масло за да ги прикрие доматите.
  7. Теглите се затвораат и се чуваат на ладно и темно место, а најдобро во ладилник.

Вака припремените домати имаат добар вкус и можат да се користат во рок од 1,5 од 2 месеци. 

 

 

image

 

image

 

image

 

image

 

image

Извор: Кулинарно — в кухнята с Йоана 

 

Автор: М-р Марија Кочовска

Дознајте повеќе за авторот

Авторски текст, не смее да се користи за комерцијални цели или/и реемитување
Брзи брускети со тиквичка

 

Состојки: 

  • 10-тина кришки леб 
  • 1 мала тиквичка 
  • 1 чешне лук 
  • 1 мала главица кромид 
  • 4-5 ливчиња свеж босилек 
  • 1 лажиче сув босилек 
  • малку масло 
  • 1 парче сирење (околу 100 гр), а по желба може и повеќе 
  • 100-тина грама кашкавал 
  • 1-2 домати

 

Подготовка:

  1. Тиквичката изрендајте ја и посолете ја.
  2. Лукот ситно исечкајте го и истолчете го или едноставно поминете го низ алатка за пресовање.
  3. Додадете 3-4 лажици маслиново масло и 1 лажичка сув босилек (може и свеж ситно сечкан).
  4. Убаво промешајте да се соедини.
  5. Во тавче ставете малку маслиново масло, а во него ставете ги ситно сечканиот кромид и тиквичките, кои е пожелно да ги исцедите од водата со рака.
  6. Пржете додека не испари течноста и состојките омекнат.
  7. Додека се пржат тиквичките земете 10-тина парчиња леб.
  8. Наредете ги во плех и премачкајте ги со ароматизираното масло.
  9. Ставете ги во загреана рерна на 180 степени и само кратко потпечете ги.
  10. Издинстаните тиквички со кромидот, тргнете ги од оган и во нив додадете го дробено сирењето и ситно исечканите ливчиња босилек. По желба можи да додадете и малку црн бибер.
  11. Измешајте ја смесата и од неа нанесете врз секоја брускета.
  12. Врз смесата ставете по едно тенко кругче домат, а најгоре изрендајте кашкавал.
  13. Вратете ги повторно во рерна, додека кашкавалот убаво не се растопи.

 

Служете ги топли. На здравје!

image

 

 Автор: Клара Бос

Авторски текст, не смее да се користи за комерцијални цели или/и реемитување
Рецепти со боровинки и хранлива вредност од нив

 

Голем број наши читатели се обратија до нас со барање да подготвиме содржина од ваков тип, во која ќе бидат собрани повеќе рецепти со боровинки. 

 

image

 

Одлични се и многу хранливи, па ние ви ја посочуваме и нивната хранлива вредност:

 

image

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување
Отстранете ги црнките од лицето на природен начин

 

Состојки:

  • сода
  • сол
  • павлака, јогурт или кефир
  • овесни снегулки.

Точните количини на состојките се наведени во описот на подготовката.

 

Подготовка:

  1. Измешајте половина лажичка сода, 1/4 лажичка сол, мала лажичка павлака или јогурт (може да замените со една лажица кефир).
  2. Употребете ја смесата како пилинг, осносно убаво измасирајте со кр, при што посебно внимание посветете на проблематичните делови - челото, носот и брадата. 
  3. Измијте го лицето со вода.
  4. Потоа, измешајте една лажица овесни снегулки, половина лажичка сода и малку павлака, јогурт или кефир (колку да се формира смесата). 
  5. Повторете го чистењето со масирање на лицето, со посебно внимание на критичните места.

Овој метод на чистење ќе ви помогне да ги отстранете површинските црнки, а се употребува толку често колку што е потребно за вашето лице и тоа секој може да го препознае индивидуално за себе.

 

image

 

Автор: М-р Катерина Шамбевска

Дознајте повеќе за авторот

Авторски текст, не смее да се користи за комерцијални цели или/и реемитување